SIGARET CHEKISHIM MUMKINMI?

Allohga hamdu sanolar payg’ambarimiz hazrat Muhammad (saov) va ularning pok oilalari va sadoqatli sahobalariga salomlar bo’lsin. Ammo ba’d bugungi suhbatimiz sigaret chekishning islomdagi hukmiga bag’ishlanadi. Umid qilamizki, maqolamizni o’qigan aziz o’quvchilarimiz kerakli xulosaga kelib o’z yaqinlari va atrofdagilarini bu yaramas odatni tark qilishga da’vat etadilar.

Afsuslar bo’lsinki, bugungi kunga kelib islom ummatining yosh avlodi mast qiluvchi ichimliklar ichish, narkomaniya va kashandalikka mubtalo bo’lib qolishgan. Lekin bu yoshlarning hammasi ham islomdan uzoq fosiq yoshlardir deya olmaymiz. Bu yoshlarning ichida o’z yo’lini o’zgartirib haq yo’lga qaytishni istaydiganlari juda ko’p. tahririyatimizga kelayotgan maktublardan ham ko’rinib turganidek, ko’pchilik musulmonlarni sigaret chekishning shar’iy hukmi juda qiziqtiradi. Talablaringizni inobatga olgan holda Islom dinining sigaretga nisbatan hukminima ekanligini bayon qilmoqchimiz. Agar sigaret chekish kelib chiqish tarixiga nazar solsak ma’lum bo’ladiki, uni rivojlanishi va musulmon o’lkalarda  keng rivojlanishida Butunjahon yahudiy harakatning hissasi ulkandir. Nimaga deganda sigaretga odat qilgan musulmonlarning e’tiqodi susayishini yaxshi bilar edilar. Sigaert balosi islom o’lkalariga arzon narxda sotilib, reklamasi ham keng va ommaviy ravishda amalga oshiriladi. Lekin ana shu sigaretlarni ishlab chiqaruvchi korxonalar egasi bo’lmish davlatlarda esa uni chekishga tashviq qiluvchi reklamalar man’ qilingandir.  Sodda  va johil musulmon o’lkalari rahbarlari esa iqtisodni tiklash (?) bahonasida qo’shma korxonalar tasis etish bilan ovoradirlar. Xorijiy reklamalarni islom xalqlari tiliga tarjima etib xalqni “oily navli sigaret sotib olishga” da’vat etadilar. Go’yoki Alloh Taoloning mana bu oyatini unutganga o’xshaydilar:

وَيَمْكُرُونَ وَيَمْكُرُ اللّهُ وَاللّهُ خَيْرُ الْمَاكِرِينَ

Ular makr qiladilar, Alloh ham “makr” qiladi. Holbuki, Alloh makr qiluvchilarning (makriga  yarasha jazo beruvchilarining) tng yaxshisidir. (Anfol surasi,  30-oyat).

Aziz musulmonlar, keling  “makr qiluvchilar” tuzog’iga ilinmaylik. Agar bu baloga mubtalo bo’lgan bo’lsangiz, u holda maqolamizni oxirigacha diqqat bilan o’qib, bu balodan qutilish chorasini ko’ringlar. Chekishning tibbiy va islom dini nuqtai nazaridan zarari haqida suhbat yuritamiz.

Chekishning tarixi

Milodiy 1492 yilda ba’zi yevropalik sayyohlar Amerika qit’asini kashf etdilar va u yerda tamaki daraxtini ko’rdilar va uni chekishda qo’llay boshladilar. Islom olamiga sigaret hijratning o’ninchi asrida masihiylar tarafidan kirib kelgan.

Medicina nuqtai nazaridan sigaret

Sigaret tarkibida zaharli hisoblangan qo’rg’oshin oksidi PbO3, benzoburin, nikotin, hasharotlarni qiruvchi spirt va boshqa zararli moddalar  bor bo’lib, saraton, sil kasalliklarini keltiruvchi asosiy omillardandir. Sigaret chekuvchi odamlar turli kasalliklarga ko’proq muibtalo bo’ladilar. Saraton, sil, og’iz, til, lab turli infekciyalari, nafas olish va hazm qilish sistemalarining turli buzilishlari  kashandalikka berilgan “mukofotlardandir”.  Sog’lom naslga ega bo’lishning oldini olishda, erkaklar va ayollarning jinsiy zaiflashuvi ham ana shunday surprizlardandir.

Sigaretning oila bujetiga keltiradigan zarari ham hech kimga  sir  emasdir.

Shariatda chekish haqida nimalar aytilgani

Sigaret yuqorida aytganimizdek, hazrat rasululoh (saov) davrlarida bo’lmagandir. Lekin shunday bo’lsa ham, umumiy qonun qoidalarni ul zot muhtaram o’z ummatlariga o’rgatib ketgan edilar. Shunday qonunlardan biri “La zarara va la zirora”, ya’ni “Birovga zarar keltirmaslik va o’ziga ham zarar qildirmaslik ” qoidasidir. Unga ko’ra odam o’ziga zarar bo’lgan narsani qilishligi qat’iyan qoralangan va harom ishlardandir. Axir rasululloh (saov) ummatlariga halol va haromni bayon qilish uchun kelganlar:

الَّذِينَ يَتَّبِعُونَ الرَّسُولَ النَّبِيَّ الأُمِّيَّ الَّذِي يَجِدُونَهُ مَكْتُوباً عِندَهُمْ فِي التَّوْرَاةِ وَالإِنْجِيلِ يَأْمُرُهُم بِالْمَعْرُوفِ وَيَنْهَاهُمْ عَنِ الْمُنكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَآئِثَ وَيَضَعُ عَنْهُمْ إِصْرَهُمْ وَالأَغْلاَلَ الَّتِي كَانَتْ عَلَيْهِمْ فَالَّذِينَ آمَنُواْ بِهِ وَعَزَّرُوهُ وَنَصَرُوهُ وَاتَّبَعُواْ النُّورَ الَّذِيَ أُنزِلَ مَعَهُ أُوْلَـئِكَ هُمُ الْمُفْلِحُونَ