2-10 - Dars

O`NINCHI DARS

PAYG`AMBARLIKNING NIHOYAGA

Xotamiyatning aniq manosi

Bizning payg`ambarimiz hazrat Muhammad (S.A.O.V) hamma payg`ambarlarning oxiri edilar va bunga etiqod qilish islomning zaruriy shartlaridan biridir.  Zaruriy shartlardan biri deganimiz ya`ni istisnisiz hamma musulmonlar bizning payg`ambarimiz payg`ambarlar oxiridir deb etiqod qiladilar va yangi payg`ambar kelishini ko`zlamaydilar. Aslida har bir payg`ambar bashariyatning  kamoloti yo`lida hidoyatchi bo`ladilar va "estafeta"ni kelayotgan keyingi payg`ambarga topshiradilar shundau qilib bizning payg`ambariimizga ana shunday estafetaning navbati yetib kelgan. Hazratning nabiylik davrlariga kelib umuman bashariyat nisbatan rivojlangan, shuning uchun islom dinining o`zi oxirgi marra ya`ni kamolotgacha basharni yetaklash qudratiga ega va boshqa yangi dinga ehtiyoj yo`qdir. Chunki islom har taraflama komil va yetuk dindir. Uning dasturlari insonning hamma davri uchun munosib keladi, garchi inson taraqqiyot harakatida bo`lsa ham din (Islom dini) bu taraqqiyotning hamma jihatlarini nazarda tutgandir. 

Payg`ambarlik tamom bo`lganiga dalillar

Bu mavzuni isbotlash uchun ko`p dalillar bor shulardan eng yaqqol dalillaridan uchtasini keltiramiz:

1.    Xotamiyat (oxirgi payg`ambarlik) diniy zaruratlardan biridir. Jahondagi hamma musulmonlar bu narsaga ittifoqan etiqod qiladilar. Binobarin Islom dinini turli dalillar bilan o`ziga din qilib qabul qilgan har bir musulmon xotamiyatni ham qabul qilishi shartdir.

2.    Qur`oni Karimning oyatlari ham xotamiyatga dalolat qiladi:

مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَكِن رَّسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيماً

33.40 . Muhammad sizlarning erkaklaringizdan birortasining otasi emasdir, balki u Allohning elchisi va payg'ambarlarning muhridir. Alloh barcha narsani biluvchi zotdir.

Ahzob surasi; 40-oyat

Qadimda arablar orasida birovning bolasini tanlab o`zining o`g`li deb tanishtirish keng rivojlangan edi. Bunday “farzandalr” bemalol mahramdek oila azosi hisoblanar vahatto merosxo`r bo`lar edilar. Lekin islom dini kelib bu odatni bekor qildi. Payg`ambarimiz Zaydni o`g`illaridek ko`rardilar va uni hamma Zayd bin Muhammad deb chaqirar edi. Yuqoridagi oyat nozil bo`lib ikkita muhim xabarni yetkazdi: biri- birovning bolasini haqiqiy farzanddek bo`lmasligi (shar`iy qonunlar jihatdan), ikkinchisi esa bizning islom payg`ambarimiz payg`ambarlar oxirgisi ekanliklari haqidagi xabar. Birgina savol shundaki  payg'ambarlarning muhridir  deganda nimani tushunish kerak? Qur`onda (arab tilida) xotam so`zi kelgan. Biz uni muhr deb tarjima qilganmiz va buning ma`nosi quyidagichadir:

Qadimda biron noma yoziladigan bo`lsa xat oxirida yozgan odam imzo o`rniga uzugining ko`zi (xotam) bilan muhr (pechat) bosishgan, ya`ni xat tamom ma`nosini bildirar edi. Har bir odam uzugi  ko`ziga har xil shakl o`yib tushirilgan bo`lib hamma odamniki har xil bo`lgan edi.  Rasuli akram ham xat yozdirganlarida tagiga o`zlarining xos muhrlarini bosar edilar. Bu muhrlari quyidagi yozuvdan iborat edi: