MURSALOT surasi

77.41 . Taqvodor zotlar esa (u Kunda), albatta, soya-salqinlar va chashmalarda

77.42 . va ko'ngillari istagan mevalar ichida bo'lurlar.

77.43 . (Ularga deyilur): "Qilib o'tgan (yaxshi) amallaringiz sababli (jannat ne'matlarini) yoqimli ishtaha bilan yeb-ichaveringizlar".

77.44 . Albatta, Biz ezgu ish qiluvchilarni mana shunday mukofotlaymiz.

77.45 . U Kunda inkor etuvchilar holiga voy!

77.46 . (Ey, kofirlar,) ozgina vaqt yeb, foydalanib qolinglar! Zero, sizlar jinoyatchidirsizlar.

77.47 . U Kunda inkor etuvchilar holiga voy!

77.48 . Qachon ularga: "Ruku' qilinglar, (namoz o'qinglar)", deyilsa, ruku' qilmaslar.

77.49 . U Kunda inkor etuvchilar holiga voy!

77.50 . Axir, ular (Qur'ondan) keyin (shunday aziz Kitobga imon keltirmasdan) qanday so'zga imon keltirurlar?!