QALAM surasi

68.1 . Nun. Qalam va (u bilan) yozishadigan narsa (bitik)larga qasamki,

68.2 . (ey, Muhammad,) Siz Rabbingizning ne'mati bois majnun emasdirsiz!

68.3 . Albatta, Sizga (sabr qilganingiz uchun) tuganmas mukofot bordir.

68.4 . Albatta, Siz buyuk xulq uzradirsiz!

68.5 . Hali yaqinda ko'rajaksiz va ular ham ko'rajaklar

68.6 . qaysilaringiz (Sizmi yoki ularmi) maftun (majnun) ekaningizni.

68.7 . Albatta, Rabbingizning O'zi Uning yo'lidan ozgan kimsalarni yaxshi biluvchidir va U hidoyat topuvchilarni ham yaxshi biluvchidir.

68.8 . Bas, (ey, Muhammad,) (Sizni) inkor etuvchi kimsalarga itoat etmang!

68.9 . Ular (bilan) murosasoz bo'lishingizni, shunda ular ham (Siz bilan) murosasoz bo'lishni istarlar.

68.10 . (Ey, Muhammad,) har qanday tuban qasamxo'rga itoat etmang.