HAZRAT IMOM HASAN ASKARIY(13)

dunyoning fitnalariga uchmaslik kerakligini uqtirar edilar.

Jumladan xutbalarining birida shunday dedilar:

Sizlar belgilangan qisqa muddatli umrlaringizni yashayapsizlar,

bu kunlar tez  o`tganini sezmay qolasizlar, o`lim to`satdan yetib keladi, kimki bu dunyoni yaxshilik qilib o`tkazgan bo`lsa, albatta ajrini ko`radi, lekin kimiki ma`siyat qilgan bo`lsa tezda tavba qilsin, va hidoyat yo`liga o`tib olsin. Allohning adolati barpo bo`lguvchidir!

Ibn Shahr Oshub naql qiladi: 11-imom  birovlarning aybini qidirishdan parhez qilar edilar,  kechirguvchi va karamli zot edilar, ehson qiluvchi va ahdga vafodor bo`lganlar.

Abu Hoshim Dovud bin Qosim Ja`fari naql qiladi:

Imom Askariy ro`za tutganlarida, g`ulomlari keltirgan, og`zi

bog`langan qopdagi taomdan iftor qilar dilar, va men ham ko`pincha Hazratga qo`shilib ro`za tutar edim.

Ishoq bin Abon rivoyat qiladi:  imom o`z ashoblarini  qayerga borishi kerak bo`lsa, falon joyga, falonchining uyida Xufton

namozidan keyin boringlar, deb tayinlar, va o`zlari hammadan oldin belgilangan makonga yetib borib, ashoblarning hojatini chiqarar edilar.

Ali bin Sanon aytadi:

Imom Askariy ,  Allohning izni bilan,  ba`zan g`aybdan xabar berar edilar.  Hazratning huzurlariga amvollardan keltirganimizda,  necha dinor keltirganimizni,  pulni kimlar berganligini, hatto  pul yuzasidagi muhrlarning ustiga chizilib qolgan alomatlarni ham birma-bir aytib berar edilar.