4-6 - Dars

. Biror narsa (yaratish)ni iroda qilganda, Uning ishi faqatgina: "Bo'l!"- deyishdir. U (narsa) esa bo'lur (vujudga kelur).

Yosin surasi;81;82-oyatlar

Juda tor fikr yuritadigan nodonlargina yaratish qayta tiriltirishdan ko`ra qiyinroq ekanini tushunmaydilar.

4. Qur`on  gohida energiyaning almashish qonunidan qayta tirilishni isbotlaydi:

الَّذِي جَعَلَ لَكُم مِّنَ الشَّجَرِ الْأَخْضَرِ نَاراً فَإِذَا أَنتُم مِّنْهُ تُوقِدُونَ

36.80 . U sizlar uchun yashil daraxtdan olov paydo qilgan zotdir. Bas, sizlar o'shandan olov yoqursizlar.

Yosin surasi; 80-oyat

Darhaqiqat yuqoridagi oyatga diqqat qilsak juda qiziq natijaga kelishimiz mumkin. Daraxt o`sayotganida quyoshning nuri va issiqligidan foydalanadi va o`ziga singdiradi. Biz daraxt olgan yorug`lik va issiqlik energiyalarini sarf qilib bo`ldi va bu energiya yo`q bo`ldi deb o`ylaymiz. Vaholanki biz o`tinni yoqqanimizda ana shu energiya olovda issiqlik va yorug`lik bo`lib qaytadi. Qayta tirilish ham ana shunday energiya almashishiga o`xshaydi.  Yillab o`zida yorug`llik va issiqlikni o`zining badanida jam qilgan oddiy bir cho`p bir zumda olovda yonib hamma energiyasini beradigan qilib yaratgan qodir Alloh nahotki insonni qayta tiriltirishga ojiz bo`lsa?! Har holda ko`rganimizdek Quroni karimda qayta tirilish haqida turli usullar bilan tushuntirilgan bo`lib bu haqda shubha qiluvchilarga qat`iy javobni dalil-isbotlar bilan bergandir. Biz bu darsda faqat bu mavzuda bir nechta misol keltirdik, xolos.

O`ylab javob bering:

1.    Nima uchun mushriklar qayta tirilish xabaridan taajub qilardilar?

2.    Qanday qilib har yili tabiatda qayta tirilishning misollarini ko`rishimiz mumkin?

3.    Nima uchun Qur`onda embrionning hayotini qayta tirilishni tushuntirish uchun foydalaniladi?

4.    Energiyaning bir turdan boshqa turga almashinishi haqida aytib bering. Qanday qilib bu qonundan qayta tirilishni isbotlash mumkin?

5.     Nima uchun Qur`onda yashil daraxt haqida misol keltirilgan?