BURUJ surasi

85.1 . Qasamyod etaman (o'n ikkita) burjlarga ega osmonga,

85.2 . va'da qilinmish (Qiyomat)ga,

85.3 . (o'sha Kunda) guvoh va guvohlik beriluvchiga

85.4 . Choh egalariga la'nat!

85.5 . Qaysiki, u yoqilg’ili olov edi.

85.6 . O'shanda ular o'sha (choh)ning ustida o'tirgan

85.7 . va mo'minlarga qilayotgan ishlariga o'zlari guvoh edilar.

85.8 . Ular (mo'minlar)dan faqat qudratli va hamd egasi bo'lmish Allohga imon keltirganlari uchungina o'ch oldilar.

85.9 . Osmonlar va Yerning hukmronligi Unikidir va Alloh barcha narsaga guvohdir.

85.10 . Albatta, mo'min va mo'minalarni fitnaga solib, so'ngra tavba qilmagan kimsalarga jahannam azobi va ular uchun o't azobi bordir.