U kelsa nimalar ro’y beradi?

Yetib kelgan rivoyatlarga asosan hazrat Mahdi (Alloh ul zotning zuhurlarinik tezlashtirsin!) zuhur qilganlarida olamda adolatni keng joriy qiladilar bu ish uch bosqichda amalga oshiriladi: birinchi bosqich: Allohning tavhidini yoyish va shirk bilan kurashishdir. Ikkinchi bosqich: Adolatga asoslangan haqiqiy islomiy hukumatni tuzishdir. Uchinchi bosqich: Odamlar orasida haqiqiy adolatni o’rnatish va zulmni yo’q qilishdir. Birnchi bosqich haqida Oli Imron surasining 18-oyatida bunday deyiladi:

أشَهِدَ اللّهُ أَنَّهُ لاَ إِلَـهَ إِلاَّ هُوَ وَالْمَلاَئِكَةُ وَأُوْلُواْ الْعِلْمِ قَآئِمَاً بِالْقِسْطِ لاَ إِلَـهَ إِلاَّ هُوَ الْعَزِيزُ الْحَكِيمُ

*Adolatda (barqaror) turib, Alloh guvohlik beradi: "Allohdan o'zga iloh yo'qdir". Farishtalar va ilm egalari ham (buni ta'kidladilar). (Albatta,) qudratli va hikmatli Allohdan o'zga iloh yo'qdir.*

Agar hukumat haq bo’lsa, haq holda qazovat qilsa, haqni ijro qiladigan bo’lsa, odamlar ham haqni qabul qilgan bo’lar edilar. Shuning uchun ham Qur’oni karimda odamlar orasida adolatni barpo qilishga da’vat etiladi:

لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ

* Biz O'z payg'ambarlarimizni hujjat (mo''jiza)lar bilan yubordik va ular bilan birga Kitob hamda odamlar adolatni barpo qilishlari uchun mezon (tarozi) tushirdik. Yana, Biz temirni tushirdik. Unda quvvat va odamlar uchun manfaatlar bordir. Alloh O'ziga va ayg'ambarlariga (Alloh yo'lida jihod qilish bilan) qoyibona yordam beradigan kishilarni bilish uchun ham (temirni yaratdi). Albatta, Alloh kuchli va qudratlidir.*

Imomlarimizdan naql qilinishicha shunday kunlar yetib keladiki, dunyoda zulm va zo’ravonlik kuchayib ketadi. Eng katta zulm esa bu Allohga shirk keltirishdir. Shu darajaga borib yetadiki, iymonli odamlar iymonlarini pinhon saqlaydilar va “La ilaha illalloh”ni hech kimga bildirmasdan qaytaradilar. Mana shunday zulumatli kunlarda hazrati Valiyulloh imom Mahdi (Alloh ul zotning zuhurlarinik tezlashtirsin!) namoyon bo’ladilar va yer yuzida Tavhidni qaytadan o’rnatadilar. Ul zotning bayroqlarida البيعة لله؛ deb yozib qo’yilgandir (Alloh uchun bay’at-degani demakdir). Odamlar orasida tavhid yoyilganidan keyin hazrat Mahdi (Alloh ul zotning zuhurlarinik tezlashtirsin!) hukumat tuzish fikriga tushadilar