IMOM RIZO HAZRATLARI(10)

Abdusalom  Harroti aytadi: Men imom Rizoni ko`rish uchun u zot saqlanayotgan uy qamog`iga borgan edim, eshik tagidagi qorovuldan ko`rishish uchun Imomning huzuriga qo`yishini so`rab murojaat qildim. Qorovul menga qarab shunday dedi: -  Qanday qilib u bilan gaplashishing mumkin?!  Axir u tunu-kun faqat ibodat qiladiku!  U   bir kecha-kunduzda 1000 rakaat namoz o`qiydi.

Ibrohim ibn Abbos naql qiladi:  Imom Rizo har uch kunda Qur`onni xatm qilar edilar. Bu haqda  o`zlari bunday deganlar: - Men uch kundan kamroq muddatda ham Qur`onni xatm qilgan bo`lur edim, lekin men uni o`qiyotganda ma`nosi, nozil

bo`lish sababi, qaysi mavzu haqida nozil bo`lganligini fikrlayman, shuning uchun Qur`on tilovatida hech shoshqaloqlik qilmayman.

Qachon Imomdan shar`iy savol so`rashganda, albatta Qur`on oyatlariga asoslanib javob berardilar.

Ibrohim binAbbos aytadi:  Hazrat juda ko`p ro`za tutar edilar. Ayniqsa, har oyning boshida, o`rtasida, va oyning oxirida ro`zani tark etmas edilar.

Rajo bin Abi Zahok aytadi: Qachonki imom Rizo duo qilsalar, albatta Payg`anbarga va ularning oilalariga salavot etib, keyingina duo qilar edilar.

Imom Rizo o`z sahobalariga qarab sizlarning qo`llaringizda Anbiyolarning quroli bordir, undan foydalaningiz, dedilar. Shunda sahobalari hayron bo`lib, qanday qurol ?  deb

so`rashdi. Imom ularga qarata,-

Duo! – dedilar.

Yunus bin Abdurahmon hikoya qiladi:  imom Ali ibn Musai Rizo Imom Zamonni duo qilishimizni buyurar edilar.

Rajo bin Abi Zohik hikoya qiladi:Imom Rizo namozda qunutda  quyidagi duoni o`qir edilar:

Bor Xudoyo, menga rahm qil, gunohlarimni kechir, sen kechiguvchi va qudratlidirsan!

Imom Rizoning xizmatkorlari Yosir aytadi:  Imom har vaqt fursat yetganda, dasturhon atrofiga hoh kichik bo`lsin, hoh katta bo`lsin  barcha xizmatkorlarini chaqirardilar va ular bilan suhbatlashar edilar. U zot hech bir xizmatkorlarining holadan bexabar qolmas edilar.

Sulaymon bin Ja`far Ja`fari aytadi:  Bir kuni Hazratning

huzurlariga musharraf  bo`lgan edim, Imom tashqaridan horg`in holatda uyga kirdilar va ichkarida ishga yangi jalb etilgan mardikorni ko`rib, necha pulga bu yigit bilan kelishdingiz? – deb so`radilar.  Shunda  xizmatkorlari, hali pulini kelishganimiz yo`q ,- deb aytdi.  Bu javobni eshitgan Imom : - Axir men sizlarga , pulini kelishmasdan turib ishchi yollatmanglar, deb aytmaganmidim?!- dedilar norozi ohangda.

Harroni naql qiladi:  Agar imom Rizo biron-bir narsa eslaridan chiqmasligini istasalar, bunday deb yozib qo`yardilar:  Bismillohir rohmanir rohim,  Inshoolloh quyidagilar yodimdan chaqmasin, so`ng  hohlagan narsalarini yozib qo`yar edilar.

Muhammad bin Jahm aytishicha, imom Rizo mevalar ichidan  uzumni ko`proq yaxshi ko`rar edilar.