Har kimni ham imom desa bo’laveradimi?

5. Oliy xulq egasi bo’lishi; 

Quroni Karim hazrat payg`ambarimizning yuqori axloqlari haqida bunday deydi:

فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ

Allohning rahmati sababli (Siz, ey, Muhammad,) ularga (sahobalarga) muloyim bo'ldingiz. Agar dag'al, toshbag'ir bo'lganingizda, albatta, (ular) atrofingizdan tarqalib ketgan bo'lur edilar. Bas, ularni afv eting, (gunohlari uchun) kechirim so'rang va ular bilan kengashib ish qiling! (Biror ishga) azmu qaror qilsangiz, Allohga tavakkul qiling! Alloh tavakkul qiluvchilarni sevar. (Oli Imron surasi; 159-oyat;)

Yuqori axloqqa ega bo`lish nafaqat payg`ambarlar uchun balki imom uchun ham zarurdir. Zero u ham ummatning rahbari sifatida odamlarni o`zi taraf jalb eta olish qudratiga ega bo`lishi kerak. Odamlarni esa yaxshi xulqdan o`zga hech narsa bunchalik o`ziga jalb qilish qudratiga ega emasdir.  Badaxloqlik va serjahllik payg`ambar va imomlar uchun buyuk ayb hisoblanadi va ular bunday aybdan pokdirlar.

Aytib o`tgan sifatlarni ulamolar imomlar uchun zaruriydir deb hisoblaydilar. Albatta aytilganlardan tashqari boshqa sifatlarni  ham imom uchun sanab o`tishimiz mumkin edi, lekin aytib o`tganlarimiz asosiy shartlardan edi.