Umr yo’ldoshingga muhabbatli bo’l!

Quyidagi hadis ko’p mu’tabar kitoblarda keltirilgan. Biz ham uni bu yerda dars bo’lsin uchun keltirmoqchimiz. Hazrat Ali (a.s) naql qiladi:

Bir kuni Fotima bilan uyda o’tirgan edik. Nogahon Allohning rasuli uyimizga kelib qoldilar. Biz xursand bo’lib hurmatlari yuzasidan o’rnimizdan turdik. Shunda ul zot menga qarab “Alijon, bizni bir pas xoli qo’ygin, Fotima bilan gaplashadigan gapim bor” dedilar. Men chiqib ketdim. Shunda paygambarimiz Fotimaga qarab bunday dedilar: Eringdan rozimisan? Fotima: Ha, Xudoga shukr u yaxshi odamdir. Lekin Quraysh ayollari otang seni  kambag’alga bergan deb yuzimga solishadi-dedi. Shunda hazrat rasululloh (saov) bunday dedilar: Qizim, sening otang va uning kuyovi also kambag’al emaslar. Alloh Taolo menga butun yer yuzidagi oltin va kumushlarni berar edi, lekin men o’zimda boriga roziligimni bildirdim. Alloh Taolo yer yuzidan ikki nafarni tanladi. Biri – otangni va ikkinchisi umr yo’ldoshing Alini. Qizim shuni bilginki, Ali eng yaxshi umr yo’ldoshidir, unga itoatli bo’lgin.

So’ng ketaturib menga qarab bunday dedilar: Yo Ali, bilginki Fotima mening vujudimning bir bo’lagidir. Unga muhabbatli bo’l, uning shodligi mening shodligimdir, g’ami esa mening ham g’amimdir.

WWW.HIDOYAT.ORG– Xalqaro Islomiy Axborot va Ma’lumotlar Markazida tayyorlangan.