Hazrat oyatulloh uzmo hoj sayyid Ali Husayni Xomanaiy




Deprecated: Function eregi_replace() is deprecated in /home/ozbalshia/public_html/page.php on line 99

Deprecated: Function split() is deprecated in /home/ozbalshia/public_html/page.php on line 103

Hazrat  oyatulloh Xomanaiy buyuk faqih olimi va mujtahidi bo`lish bilan bir qatorda Eron islom jumhuriyatining diniy yetakchisi va shuningdek oliy madrasaning tajribali ustozlaridan biri hisoblanadi.

Bu zot hijriy – shamsiy yilning 1318 yili Eronning muqaddas Mashhad shahrida dindor-ruhoniylar oilasida dunyoga kelgan.  Otalari oyatulloh sayyid Javod Mashhadning buyuk va mashhur ulamolaridan bo`lgan. Bobolari  oyatulloh sayyid Husayn Xomanaiy esa Najafdagi ozarbayjoniy ulamolarning ulug`i bo`lgan edi.

Hazrat oyatulloh Xomanaiy bolalik yillarini qiyinchiliklar bilan boshdan o`tkazgan, u besh yoshida katta akasi sayyid Muhammad bilan birga eski maktabga o`qishga kiradi. Bir qancha muddatdan so`ng Islomiy boshlang`ich ta`lim madrasasi  " Diyonat Dorul ta`limi" ga kiradi.  6-sinfni tugatgach o`rta ta`lim maktabiga o`qishga kirib u yerni ikki yilda bitirib, attestat oladi.            

"lu`ma" kitobining 3/4 qismini otasidan ta`lim olgan bo`lsa, qolganini Mudarris Tabriziydan, "Rasoil" va "Makosib" ilmlarini hoji shayx Hoshim Qazviniydan o`rgandi. Butun darslarini besh yarim yilda nihoyasiga yetkazdi, dars "Xorij" (oliy fiqh darslari)ni oyatulloh uzmo Miloniy huzurida o`qidi. 1336 yili Najafga hijrat qilib qisqa muddatli o`qishi davomida buyuk oyatullohlar: Hakim, Xuiy, Shohrudiylardan ta`lim oldi. Eronga qaytib kelgach esa Xomanaiy oyatulloh uzmo Burujerdiy, hoji Murtazo Hoiriylar huzurida ularning ilmlaridan bahramand bo`ldi. Usul va Fiqh sohalarida hazrat imom Xumayniydan ta`lim oldi.

Oyatulloh Xomanaiy 1334 hijriy shamsiy yildan boshlab shoh  hukumatiga qarshi siyosiy harakatlarini boshlab yubordi va Islom Inqilobi g`alaba qozonganiga qadar bir necha martalab qamalgan va surgunlarda bo`lgan  edi.  Inqilob g`alabasidan keyin ul zot muhim lavozimlarda ishlagan edilar. Jumladan, sho`roi inqilob a`zosi , mudofaa vazirligida muovin, Tehron juma namozi imomi, Tehron xalqining sho`rodagi vakili, shuningdek ikki muddatga Eron prezidenti kabi lavozimlar egasi bo`ldi.

Eron rahbari oyatulloh Xumayniyning vafotidan so`ng ularning o`rniga hazrat oyatulloh Xomanaiy saylandi va hozirda ham mana shu  yuksak va mas`uliyatli  vazifaning uddasidan chiqib kelyapti. Alloh bu zoti boborakotning umrini ziyoda qilsin, omin yo robbil olamin!